Korzo најбрз начин да стигнете до вестите кои ве интересираат.

Германскиот производител на автомобили „Opel“ го најави својот амбициозен план до крајот на 2014 година на пазарот да претстави уште 13 нови модели. Првиот од нив ќе биде караванската верзија на „astra“, која ќе биде претставена на октомврискиот салон за авотмобили во Париз.

Opel има намера своите купувачи да ги израдува со „astra“ со три врати и ознака GTC, пренесуваат медиумите. Како што велат претставници од компанијата, дизајнот за овој автомобил, чија продажба се очекува кон крајот на 2011 година, инспириран е од романот „Галебот Џонатан Ливингстон“.

Во наредните четири години може да очекуваме „ampera“ и нова генерација на „zafire“, а можеби најзабележан ќе биде моделот „astra cabriolet“ со платнен покрив, чија премиера се очекува во 2012 година. Во план е и „insignia cabriolet“, за кој ќе почекаме до 2014 година. Интересно е дека Opel освен новите верзии на славните модели има намера да произведе и сосема нов, мал градски автомобил, наводно по примерот на „fiat 500“.