Korzo најбрз начин да стигнете до вестите кои ве интересираат.

Амриканската компанија Apple најави дека ќе развие платформа за iPhone и iPad која ќе служи за превземање и поставување на новински содржини.

Апликацијата newsstand ќе биде централно место на кое корисниците ќе може да превземаат и поставуваат содржини од дневните весници и магазини, а ќе биде дел од софтверот iOS5, кој ќе биде пуштен оваа есен.

Newsstand ќе замени голем број поединечни апликации за преглед на дневници и магазини, се наведува на блогот на компанијата Apple.

Според резултатите од истражувањето, 26 отсто од сопствениците на таблети превземаат апликации за преглед на дневни весници, а 20 отсто за преглед на магазини.

Скоро 50 отсто од корисниците рекле дека радо би ја плаќале апликацијата ако тоа значи помалку или ниедна реклама, пренесува Меѓународната медиумска асоцијација.

Истражувањето покажа дека сопствениците на таблети во САД претставуваат 12 отсто од интернет популацијата, но се предвидува тој удел кон почетокот на идната година да порасне на 23 отсто, што значи 54 милиони луѓе.