Korzo најбрз начин да стигнете до вестите кои ве интересираат.

Целиот наш сончев систем станува густо населен со астероиди. Доказ за тоа има британскиот астроном Скот Манли кој во триминутно видео прикажа 30 годишно зголемување на бројот на споменатите небесни тела кој малку по малку се приближуваат кон Земјата. Во превод, во две секунди од видеото се прикажани два месеци од збиднуавњата во нашиот дел од вселената - се започнува со обична бела „магла“ околу работ на планетата. Во текот на годините на експериментот постепено се додавани прикази од се поголем број телескопи. Резултатот од сето тоа е појава на густ зелен прстен во кој бројот на „мали планети“ се зголемува. Црвените точки кои може да ги видите на видеото претставуваат тела кои кружат преку орбитата на нашата планета, некои од нив во вселенски рамки се исклучително блиску. Крајната боја на астероидите на видеото укажува на тоа колку поединечен астероид доаѓа блиску до Земјата. Жолтите се најблиску.

Манли од 1980 до 2010 година секој ден изработувал „карти“ со локациите на астероидите според телескопските прикази. Накратко, пред 30 години во нашиот сончев систем биле (видливи) околу 8,954 астероиди. Денес таа бројка преминува 530,000. Манли за одредување на патувањето на астероидите користел исти принципи со кои можеме да го предвидиме кружењето и положбата на Земјата, Марс, Венера околу Сонцето. Инаку, астероидите се мали тела во сончевиот систем кои кружат околу сонцето. Значително се помали од планетите - нивната големина, барем што се однесува на нашиот систем се од неколку десетици метри до 950 километри во дијаметар (покрај астероидот Церес).

ArtCreative Design and Custom coding

Помалите астероиди со дијаметар помеѓу пет до десет метри влегуваат во Земјината атмосфера барем еднаш годишно, но согоруваат или експлодираат пред да удрат на површината. Поголемите астероиди со дијаметар од еден километар удираат на нашата планета во просек еднаш на секои 500.000 години.

Манли нема намера да дига паника па објаснува дека приказите на астероидите се зголемени со што би биле подобро воочливи - астероидот кој на видеото многу и се приближи на Земјата во реалноста е доста далеку (еден пиксел на екранот покрива милион километри). Но без обѕир на тоа што астероидите се милион километри далеку, видеото јасно покажува што всушност се случува во вселената. Обрачот се стега и статистичко-логичките размислувања се прашање на време е кога еден од нив ќе се судри со Земјата.