Korzo најбрз начин да стигнете до вестите кои ве интересираат.

На прво место се наоѓа астероидот кој со брзина од 26.700 km/h ќе помине покрај Земјата на одделечноста од само 29.470 km.

Астрономот Скот Менли во триминутното видео прикажа како за 30 години се зголеми бројот на астероиди кои малку по малку и се приближуваат на Земјата. Астероидите се повеќе го стегаат обрачот околу нас, а човештвото сеуште не е ни приближно спремно за одбрана од тие небесни тела.

NASA во склоп на програмата за откривање на потенцијално опасни астероиди (Near Earth Object Program) ги опфаќа оние кои имаат дијаметар од еден километар и повеќе и кои покрај Земјата поминуваат на оддалеченост помала од 7.480.000 километри. Имено, се смета дека на таа оддалеченост постои одреден ризик од судир, кој би можел да има разорни последици за Земјата.

За фрекфенцијата на ударот можеме само да нагаѓаме. Статистичарите израчунаа дека до глобално случување, како ударот кој пред 65 милиони години ги „уништи“ диносаурусите, доаѓа на секои 15 до 60 милиони години. Истовремено, до удар од астероид со дијаметар од 50 метри доаѓа на секои 100-400 години. Меѓу најопасните откриени астероиди кои во блиска иднина ќе поминат покрај Земјата се:

1. Apophis - 13 април 2029 година покрај Земјата ќе помине на оддалеченост од 29.470 km со брзина од 26.700 km/h
2. WN5 - 28 јули 2028 година ќе помине покрај Земјата на оддалеченост од 230.400 km со брзина од 37.500 km/h
3. AN10 - 7 август 2027 година ќе помине покрај Земјата на оддалеченост од 384.000 km со брзина од 94.600 km/h
4. CU11 - 31 август 2080 година ќе помине покрај Земјата на оддалеченост од 653.300 km со брзина од 94.900 km/h
5. WY55 - 28 мај 2065 година ќе помине покрај Земјата на оддалеченост од 691.000 km со брзина од 67.500 km/h
6. RQ36 - 23 септември 2060 година ќе помине покрај Земјата на оддалеченост од 768.000 km со брзина од 300 km/h
7. Hathor - 21 октомври 2086 година ќе помине покрај Земјата на оддалеченост од 883.000 km со брзина од 47.600 km/h
8. WC1 - 13 ноември 2061 година ќе помине покрај Земјата на оддалеченост од 883.000 km со брзина од 41.200 km/h
9. XF11 - 26 септември 2028 година ќе помине покрај Земјата на оддалеченост од 921.000 km со брзина од 50.100 km/h
10. RG3 - 29 февруари 2096 година ќе помине покрај Земјата на оддалеченост од 921.000 km со брзина од 50.900 km/h