Korzo најбрз начин да стигнете до вестите кои ве интересираат.

Не е лесно да патувате сами и за тој подвиг потребна е голема количина храброст. Еве неколку корисни совети кои може да ви помогнат да избегнете тотална катастрофа и срцев удар.

Нигде не пишува дека луѓето мора да патуваат во пар, покрај се кога патувате сам нема утрински тепачки за купатилото во хотелската соба, нема компромиси, нема караници...

Но, (да, секогаш постои „но“) патувањето сам понекогаш со себе донесува неочекувани и неудобни ситуации. Од друга страна зависи и каде патувате... Еве на што треба да се придржувате како би го избегнале тоа:

• Потрудете се да не „штрчите“ меѓу останатите. Следете го примерот на Рори Стујарт, кој го помина Авганистан од 2000 до 2002 година, а имаше само 29 години. Тоа патување си го олесна благодарејќи на промената на својот изглед. Пушти долга коса и брада, носеше облека прикладна за тоа подрачје. Работите ги носеше во вреќи... Изгледаше исто како и луѓето околу него.
• Припремете се за вашето соло патување и така што ќе се распрашате колку чини возењето од аеродромот до хотелот во кои ќе се сместите или некоја друга точка. Соло патниците најчесто се грижат за плаќањето кога е во прашање превозот. Обавезно пред да влезете во возилото прашајте неколку возачи колку ќе ве чини возењето.
• Ако не сте резервирале хотелска соба обавезно распрашајте се кои ви се можностите ако на саканата дестинација стигнете касно навечер за да не ви се случи ноќта да ја поминете сам во автомобилот или уште полошо - на отворено.
• Држете се до јавните место исклучиво кога ќе падне ноќта. Немојте да доаѓате во искушение да се впуштите во истражување на зафрлени агли дури и ако тоа ви се чини доста привлечно. Адреналинот нека ве преплави на некој друг начин.
• Потрудете се да не изгледате како типичен турист. Избегнувајте да имате „глава на водич“ додека шетате во јавност или мапа на градот која ќе ја отварате на секој ќош. За обиколка претходно припремете се.
• Малку лага на никој нема да му штети. Ако некој го прашате за насоката не му давајте до знаење дека сте сам. Речете например „Можете да ми кажете каде се наоѓа музејот, морам да се најдам таму со пријател?“.