Korzo најбрз начин да стигнете до вестите кои ве интересираат.

Ако исландскиот парламент ја прифати законската иницијатива за пушење за која се расправа, жителите на таа држава во иднина би можеле да добијат цигари единствено во аптека и тоа на рецепт.

Законскиот предлог што го предвидува исландскиот парламент Allthing предвидува пушењето да се прогласи за зависност, а тоа значи дека према пушачите ќе се однесува како према пациенти кои се обврзани редовно да посетуваат лекар, а цигарите ќе ги добиваат во аптека, пренесува австрискиот Der Standard.

Според предлогот, лекарите пушачите-пациенти би требало да ги поттикнуваат на престанок со пушење и да ги праќаат на терапија за одвикнување, а ако тоа не помогне, ќе им препишуваат цигари.

Иако би биле прогласени како пациенти, пушачите не би ги добивале цигарите бесплатно, туку би ги плаќале по пазарна цена, а заминувањето во странство по цигари на Исланд и онака не би се исплатило, бидејќи оваа островска држава е изолирана и оддалечена од соседите.

Долгогодишна борба против пушењето

Туристите кои го посетуваат Исланд веќе се соочуваат со ригорозни царински прегледи, кои посебно се насочени на цигарите и алкохолот. Бившата исландска министерка за здравство Сив Фриедлеифсдотир, која ја предводи иницијативата заедно со претставници на сите пет исландски парламентарни партии, смета дека друштвото не е доволно свесно за ризикот од пушењето и дека треба „конечно да се разбуди“.

Борбата против пушење на Исланд трае веќе со години, а во 1991 ако пушеле 30 отсто од жителите, денес ги има само 15 отсто. Кон тоа придонеле и повеќекратните даноци на тутунот и економската криза која ги погоди многу Исланѓани.

Кутија цигари на Исланд е 900 исландски круни (5,41  евра).