Korzo најбрз начин да стигнете до вестите кои ве интересираат.

Научниците го пронајдоа генот кој е поврзан со мигрената, што буди надеж во пронаоѓањето на вистинскиот и ефективен лек.

Мигрените погаѓаат една од осум личности на светот и можат да бидат многу опасни. Но, се чини дека научниците се повеќе се приближуваат до одговорите кои ќе ни помогнат да се решиме од тие страшни главоболки. Меѓународниот тим на научници го пронајде „генот мигрена“ кој буди надеж во пронаоѓањето на вистинскиот лек, за разлика од сегашните кои не се доволно ефективни или не делуваат еднакво добро на секој.

Научниците спроведоа студија објавена во списанието „Nature Genetics“. Споредиле ДНК од илјада луѓе кои патат од мигрена со ДНК на оние кои немаат такви проблеми. Ја пронајдоа генетската мана, која, како што се чини, ја зголемува можноста за оваа болест така што на глутаматот му дозволува да се акумулира во соединенијата помеѓу станиците во мозокот. Глутаматот инаку е хемикалија која ги пренесува пораките во мозокот.

Иако и некои поранешни истражувања ги утврдиле гените кои се поврзани со ретките облици на мигрена, ниту едно до сега не го пронашол генот кој е поврзан со најчестиот облик на мигрена. Затоа, лековите кои ќе го спречат глутаматот да се насобира можат да ја стопираат мигрената.

Професорот Кристијан Кубиш од Универзитетот Улм во Германија, еден од научниците кои го спроведоа истражувањето, вели дека оваа студија го отвара патот кон идните истражувања кои ќе продрат подлабоко во биологијата на оваа болест.