Korzo најбрз начин да стигнете до вестите кои ве интересираат.

Најлесниот паметен телефон ќе се продава во Америка по цена од 100 долари со двегодишен договор со операторот AT&T.

Американскиот производител на компјутери Dell го пушти во продажба својот прв паметен мобилен телефон Aero на американскиот пазар, кој би требало да биде конкуренција на iPhone од Apple, како и моделите кои се врз основа на Android платформа.

Aero ќе се продава за 100 долари со двегодишен договор со операторот AT&Т за користење во неговата мрежа.

Тој ќе биде еден од најлесните мобилни телефони со оперативен систем Android во САД и ќе го поддржува софтверот Flash од компанијата Adobe Systems, пренесува AP.

Производителот на персонални компјуетри Dell на пазарот на мобилни телефони влезе кон крајот на минатата година, кога почна да го продава моделот Mini 3. Овој месец истотака го воведе на пазарот таблет компјутерот Steak, кој работи на Android и му конкурира на iPad.

Според истражувањата на сепцијализираните агенции, светската продажба на паметни мобилни телефони со оперативен систем оваа година ќе порасне за 36%, на 247 милиони парчиња. Минатата година се продале 182 милиони такви уреди.