Korzo најбрз начин да стигнете до вестите кои ве интересираат.

Еден град во Тајван вчерашниот ден го прогласи за „Ден на Лејди Гага“ во чест на првата посета на поп дивата на островот, јавува агенцијата France Press.

Ексцентричната пејачка, која се појави во црвени панталони и фустан и црно бела перика, го прими клучот на градот Тајчунг, кој лично и го врачи градоначалникот, на церемонијата пред неколку стотици восхитени обожаватели.

„Во име на Тајчунг, денешниот ден го прогласувам за „Ден на лејди Гага“, извикна градоначалникот Џејсон Ху.

Фановите на Гага - познати како „мали чудовишта“, претходно продефилираа низ градот во шарени костими и перики.

ArtCreative Design and Custom coding

Еден од нив на главата носеше свинска глава, веројатно како почит кон фустанот од сирово месо кој Гага го носеше на доделувањето на MTV музичките награди во 2010 година.

25 годишната пејачка, која оваа година се најде на листата на Форбс за највлијателни лица на светот, е една од најпопуларните меѓународни ѕвезди во Тајван, а нејзината посета ја проследија сите водечки медиуми.

Синоќешниот концерт, на кого присуствувале околу 4000 луѓе, беше дел од петтодневната промотивна тајванска турнеја за нејзиниот нов албум „Born This Way“.